إكتتاب في الكويت = اكتئاب !

أعتقد الحجي العام في الكويت كله منصب هالأيام على بطاقة باقر الذكية الي تسمحلك شراء صابونه وتسمحلك شراء خروف بقرونه !
والحديث الآخر عن شركة الإتصالات الثالثة إلي المفروض تطرح للإكتاب نهاية هالشهر (اغسطس) ..
واول شي يفكر فيه المواطن البسيط هو التوقيت السيء جدا لهذا الاكتتاب..
مع بداية العام الدراسي وشهر رمضان ومن بعده العيد لا فرص حقيقة للي على الله ثم عالمعاش انهم يدشون في هالشركة !
من جذي في حجي طالع هاليومين ولا اعرف حقيقته ..

يقولون <--- ان الحكومة <--- تبي توزع الاسهم بالتساوي على المواطنين <--- ويكون حصة كل فرد 270 سهم .. وانا <--- طبعا اقول معصي <--- هشي يصير وحكومتنا ابخل <--- بكثير من جذي ..

وحجي ثاني يقول ان عدم تأجيل العام الدراسي لما بعد رمضان الاكتتاب له دور فيه !!

وطبعا باقر هو محور كل هذه الأحاديث ..

هذا والله أعلم.

<----------------------------------------------------------------------->

بخاطري سؤال مهم وهو .. هل يكره المواطن الكويتي التاجر الكويتي ؟
و ليش بعد وفات اثنين من تجار السوق كثير من الناس سمعنه تقول حوبتنه ودعاوينه وهذا خسرنه جذي وهذا خسرنه جذي هذا لعب بالسوق هذا هذا هذا ! امر عجيب
وبالامس خرجت اشاعه بوفاة ايضا احد اركان السوق !
ودي الاقي جواب مقننع ؟
هل يكره المواطن الكويتي التجار او التيار او العكس ؟