وراها متسكوري !

الله وأكبر يا حكومة .. شدعوه يبا شدعوه .. كلها عشر ايام تقدرون تاخذونها آخر السنة الدراسية ..

شدعوه تأثر على التحصيل العلمي .. شدعوه مناقشات وتوصيات شهرين .. شدعوه

الطقس ما يساعد .. شدعوه شدعوه .. !!

من مدة قلت لعدة اشخاص ماراح تقر الحكومة التأجيل بس معاند للنواب ..

قالوا لا ما نتوقع ..

قلت حكومة فيها متسكوري ماراح اتوافق وراح اذكركم شلون بتقط الناس على صخر ..

وهذا الي صار وذكرت اليوم احد الاصدقاء بما قلت فأقر بأن الجزء الأول من كلامي صحيح ولاكن

لا دخل لـمتسكوري بهذا القرار ..

فقلت له ان مصدر حكومي صرح بالامس ان هناك

امور تجارية واقتصادية كذلك تمنع تأجيل العام الدراسي (عشر ايام ) !!

فضحك وقالي كلااامك عدل وانت صاج صج مستكوري وراها ..!




__________________________________________

طبعا بتسـألون منو متسكوري ؟ متسكوري هو العالم الياباني الذي اخترح اللؤلؤ الصناعي ووقف حال اهل الخليج سنين ..
قبل ان يمن الله علينا بنعمة النفط (اطال الله في عمره ) ..
وكثيرا ما ينسب هذا الاختراع الى ميكوموتي وهذا غير صحيح .. ((وعــســـاكــم من هــالـــحـــال واردا)) ..يا شعبنا الأبي !