هل تباع الأحلام في الكويت ؟

معروف إن الكويتي يشتري السمك في الماي , ما عنده مانع !
بس هل يشتري الأحلام و يبيعها ؟؟

في إعلانات من مدة أترست شوارع الكويت وهيّ تابعة لوزارة الأشغال
وعنوانها ( الكويت تحلى ) تحلى بشنو ؟
اكيد بمشاريع هالوزارة (الشغالة) ببيع الأحلام والمشاريع المتوقفة و الحفر و الحـوّط !
و هذي بعض مشاريع الوزارة البشكارة الي شفتها والبقية تأتي :

* جسر جابر
(مجرد وهم وحلم وموعارفين وين راح ينزل ولا من وين بيِّصعد).

* مستشفى جابر
( حفرة حفرة مجرد حفرة ).

*استاد جابر
( تشقق بالمدرج الثالث,هبوط في ارضية الملعب بحيث يكون ملعب (الشنفا!)
الجديد في نادي التضامن اوفق مع قوانين الفيفا ! ).

لاحظوا ان جميع هذه المشاريع المتعثرة تحمل اسم انسان و اب من اغلى حكام الكويت
على قلبي وكلهم غاليين !

وأنا بالتالي في طور البحث عن بقية الإعلانات التي تحمل صور المشاريع التالية :

* جامعة الشدادية
* تطوير الدائري الرابع
* قطارات سعد الفرج
* مدينة يصير خير (الحرير)
* شراء مديونيات المواطنين !
عفوا هذا مشروع حلم بو رمية وراعي الفحما و كابوس الشمالي وعبدالواحد العوضي!

والكويت تحلى ؟
طــــــل !