مذيع تلفزيوني !!

* تصدقون ..
كل مأ اشوف مقدمي برامجنا السياسية أضحك من قلبي أكثر من ضحكي لمن اشوف باي باي لندن او على هامان يا فرعون او العيال كبرت وهم افضل مسرحياتي التي لا املها .

_________

أنور مال الله : مقدم البرامج في قناة سكوب ..
هالمذيع يذكرني دائما في المحامي الي في مسلسل درب الزلق الي المفروض يطلع بوصالح وقحطة من التوقيف ..( ماااااااااااات و ما قااااااااااااالي ) الضيف بصوب وانور بصووب, الاسئلة تتكرر مليون مره وانور مااااااايدري كل ما يقول الضيف كلمة انور يرددها مثل الكاسكو المنصدم او تضرب هرمونات الغباء عنده ويقول ( وضحلي يعني شنوووو هالكلمة )

_________


سعود الورع : الصحفي الفني السابق ومقدم برنامج المنصة في قناة العدالة و شقيق حمود ناصر هم هالمذييييع يذكرني بنفس المحامي الي في درب الزلق( أنا ناااايم ؟؟؟! أنا مو نااااايم أنا شكلي جذي )
المذيع يقط تلفونه غفوة خمس دقايق ولما يدق المنبه يتذكر انه قاعد يقدم البرنامج مو يشوفه حقيقتا مذيع نااااااااااااايم ويحاول يألف له لهجة اعلامية فيها من نبرة المحيلان وشكل يونس شلبي الله يرحمه أمس شفت حلقته ويا مسلم وزلزلة واثبتلي انه مذيع يسلم اللقاء للطرف الاقوى ويسحب نفسه وصار مذيع ربط يقول ( فاااصل ورادنلكم وياااااي برناااميييج المناصااااي ) !!
وأنت عالبال يا عيوني.
وزين سوا فيه الدقباسي.

_________

( بوفتين ) الراي الي ناقص يسمي النواب عمي فلان وعمي فلان !!وناقص الضيف يقوله باخر البرنامج مشكورين على المقابلة و سلم على ابوك لا تنسى ..

_________

جعفر حسين محمد مذيع العدالة الي مو مصدق انه عيمي وشيعي وساكن بالصليبيخات ويقدم برنامجين مع افشل محلل عرفته
في حياتي عايد المناع و اسوء وجهة نظر سمعتها جابر الهاجري وصاحب اضيج دشداشة لبسها رجل حسن الانصاري

_________

وطبعا لا ننسى العائد من فشل قديم الى فشل جديد محمد الوشيحي ونفس تخطبطاااته القديمه ولا زال (ملك التأتأة) دون منازع بس هالمره على الشاهد

_________

فا بو عيده لي الحين صوتك وصل صوتك وصل ويكلك على الحكومة ويمجد الروضان ويفبرك قضايا ويبجي كل ما دقت عليه فجر السعيد

_________

وعبدالله السلمان مسكين لي اليوم يواعدونه المرشحين ويكشتون فيهو ييقعد يتحلطم ساعه مني ليما ايي الضيف السبير.

_________

حقيقتا خوووش اعلاااام وخوووش مذيعين عندنا.